وانا كنت الي حد ما شاب عادي باعمل اي حاجة زي الشباب واصحاب وخروجات وكده وبعدين انتبهت وحاولت اغير من نفسي وابتديت بالبنت اللي كنت مرتبط بيها وقولتلها اني مش هاكلمها تاني غير لما اخطبها باذن الله وهي وافقت ورحبت بكلامي ودي كانت اول خطوة في طريق الهداية وقطعت صلتي بيها نهائيا الي ان يشاء الله ان كانت من نصيبي.
وبعد كده ابتديت اسمع دروس من علي النت وابتديت اغير استعمالي للكمبيوتر والنت من بعد تحميل الاغاني والافلام ابتديت في سماع القران والدروس والخطب وخاصة الشيخ مصطفي حسني لانه يدخل القلب من اول مرة تسمعه فيها وربنا كرمني شوية بشوية وابتديت احس بحلاوة الحياة وحسيت اني باعمل حاجة صح لاول مرة
بس في مشكلة قابلتني.
هي مش مشكلة بس اصحابي كلهم ابتدوا يتجاهلوني ويسخروا مني كل مرة يروني فيها بعضهم يقول ((عم الشيخ وصل)) و((ياشيخنا))وكلام من هذا القبيل وانتم عارفين الشباب كلامهم ازاي ومافيش حد منهم بيتصل بيا ولا يسأل عليا زي الاول وبقيت كل وقتي قاعد في البيت لوحدي لان هما كل كلامهم وخروجاتهم مع بنات وانا باقعد اقول ليهم كده حرام وماينفعش فقطعوا صلتهم بيا انا مش عارف اعمل ايه اتجاهلهم زي هما ما بيتجاهلوني ولا احاول معاهم ان ربنا يهديهم زي ما هداني ولا اشوف اصحاب غيرهم بس علي فكرة هما من جواهم كويسين جدا وطيبين جدا بس هما ماشيين مع الموجة اللي ماشية اليومين دول مش عارف ياريت لو ممكن حد منكم يفيدني برأيه اعمل ايه .
والسلام عليكم
الرئيسية 
أحدث الصور 
التسجيل 
موضوع: مش عارف اعمل ايه....؟؟؟؟؟ 
الأربعاء مايو 14, 2008 10:41 pm
