مخنوقة شويه

عدد الرسائل : 606 تاريخ التسجيل : 09/04/2008

السلا عليكم

مش عارفه لو كنت هضايقم بس انا مخنوقه وكان نفسى بجد ادخل واتكلم وحد يسمعنى لأنى بجد مضايقة

أنا من الأول حلمى أنى أكون مهندسة شاطرة وأعمل برامج كتير حلوه

وعارفه أن عشان احقق الحلم دا صعب أوى وكنت مع ذلك بحاول ومش بحس الحمدلله بتعب طول ماأنا شغاله

بس لما تلاقى الناس حواليك متعمدين يهدموا الحلم دا دايما يحطموا فيك اكيد هتتعب دايما يحسسوك بالفشل

مفيش حاجة عجباهم و هما ناسين اصلا اننا بشر مخلقوين عشان نغلط ونتعلم ومش لما تغلط خلاص يعدموك

الناس دى عايزين البنى آدم جهاز كمبيوتر ومعندهوس احساس ولا مشاعر كل اللى هم عايزينه انك تشتغل اربعه

وعشرين ساعه أجازة 20 يوم بس وقلنا عادى مش مهم شغل طول السنه نروح ساعات يوم السبت الأجازة

مشاريع وبهدله نروح متأخر دااااااااااااا كله مش مهم ممكن الواحد يعمل كل اللى هم عايزينه بس كمان يحس أنى اللى

بيعمله هيجيب نتيجه

مش بعد أى تعب كأنك معملتش أى حاجة لما يخلوا صورتك قدام الناس كلها وحشه وانك مش كويس

اكــــــــــــــــــــــــيد يعنى هتكره الدنيا باللى فيها وحتى حلمك هيتحول كبوس وكبوس رهيب كمان لأنك مش

قادر تصحى منه مرتبط بيه ومينفعشى تسيبه وتمشى لآزم تكمل فيه مين فيكم يقدر يكمل كبوس أى حد طبيعى

لآزم يقوم منه

الناس دى عايزنا نكمله وحتى لو كملنا وصبرنا مش عاجبهم أى حاجة

كنت بقول فى الأول اكيد هم عايزينا نكون كويسين مش قصدين يحطمونا بس كنت غلط والف غلط
فعلا ده هدفهم

أنا كنت بتكلم يا جماعة عن كليتنا واللى بيحصل فيها والناس دول هم الدكاترة بتعوتنا لأنى بجد مش عارفه اعمل ايه اتخنقت أوى أنا حاسة اننا

مش بنتعامل معاملة آدميه كل واحد له حق وكدا مفيش غير كلمة واحدة وسورى فيه احننا والله مذلولين وذله فظيعه

افتكر أنى من يوم مدخلت الكلية دى وأنا مضحكتشى من قلبى ومعرفشى حاجة عن الناس اللى حوليه انعزلت عن

الدنيا حتى الأكل الواحد يجى عشان ياكل حاسس بمرار مش بيقدر يبلع والله

كل ده ليه عشان دنيا غرورة جربت سورى يعنى انفض حسيت أن الواحد هيعش ملهوش لزمه زيه زى أى

حاجة ودا احساس افظع من اللى أنا فيه

بس عشان أخلص ضميرى فى حاجة بيعملها حلوه أنهم بيسمعوك ويخلوك تقول اللى عندك كله وفى الآخر تريقه ملهاش حدود

هل من الأول أنا كنت غلط لما قررت أدخل كلية زى دى وكتير قالولى أنها للولاد وصممت وقلت البنات زى الولاد فى الشغل مش فارقه بس اللى مأكدلى أنى مش غلط ان تقريبا الولاد فى الكلية عندنا بردوا بيتعاملوا بنفس الطريقة

آسفه لو طولت عليكم بس والله كلامى ده ميجيش حاجة من اللى بيحصل لنا

عدد الرسائل : 319 تاريخ التسجيل : 12/05/2008

بسم الله الرحمن الرحيم

اولا يا اسبكتر انا والله مش عارف ابدأ كلامى معاكى ازاى ؟

لان فعلا الواحد بيكون حزين جدااا لما بيشوف حد يهمه امره او يعز عليه فى مشكله ما او شىء ما يضايقه او يعكر صفو حياته

بس انا حقلك على حاجه ؟

من أمتى النجاح والتفوق كان طريقه سهل وخالى من الاشواك

يا ترى ممكن الواحد ياكل حلاوه من غير ما تكون الحلاوه دى دخلت النار ولسعت ايد ناس كتير عشان تبقه حلاوه

الرسول صلى الله عليه وسلم فى بدايه دعوته وكان على حق من ربه ماذا فعل به قومه هل تقبلوه بصدر رحب ام اذوه وسلطوا عليه عبيدهم وسفهائهم .

فماذا كان من الرسول غير انه صبر ودعا الله عزوجل بهدايه قومه اولا ثم تحقيق النصر له ولدينه

هذا هو المرجو من كل ما سبق من كلامى

ان الواحد مننا مهما يجد صعوبات تقابله فى حياته ومهما يجد شوائك فى طريق النجاح لابد له من الصبر

وليكن دائما شعارك

(فصبر جميل والله المستعان على ما تصفون )

قالها سيدنا يعقوب حينما فقد ابنه

فما كان من الله الا ان اعاد له ابنه مره ثانيه بعد غياب سنوات

انا اعتقد انك ممكن تقولى ان كلامى ده ملوووش صله بالموضوع

بس صدقينى لو فكرتى كويس حتلاقى مشكلتك لا تفرق اى شىء عن اللى قلته سابقا

انكم كلكم فى النهايه عايزين توصلوا للنجاح وعارفين انكم على حق بس بتلاقوا صعوبات وصعوبات جاااامده جدااا بس مع الصبر وقوه العزيمه بتعدى

وبصى مثلا لطالب الثانويه لما طووول السنه مذاكره وسهر وقلق وشد اعصاب وفى اخر السنه او يوم النتيجه ولما يظهر تفوقه تعب كل السنه بيروح فى لحظه

فيا ريت او رجاء من اخ انك تتجاهلى الموضوع ده خالص لانه بجد ممكن يسبب ليكى الاكتئاب

وما دمتى انك بنيتى لنفسك حلم واصرتى انك تحققيى لازم تصبرى

ويا ستى ان كنا حنذل فى سبيل طلب العلم فدا من اشرف انواع الذل

وزى ما اعرف او زى ما حضرتك قلتى انك ما شاء الله متفوقه جدااا فى كليتك يعنى المفروض يبقه عندك استراتيجيه التصرف فى المواقف اللى زى دى

رجاء اسبكتر

حاولى تتأقلمى مع الوضع

واصبرى على اذاء الدكاتره ليكم

والتمسى يا ستى الثواب ان شاء الله من ربنا فى سبيل الاذاء اللى بتشوفيه

ما دامت ان نيتك خالصه لوجهه الله

وتذكرى دائما حديث الرسول

من خرج فى طريق يلتمس فيه علما سهل الله له به طريقا الى الجنه

وان الحيتان فى البحر لتستغفر لطالب العلم

اسبكتر أتمنى انى مكنتش طولت عليكى

بس بجد اتمنيت انى اوصل معاكى لنتيجه

ويا رب يكون كلامى ريحك شويه

موضوع: رد: مخنوقة شويه الخميس مايو 29, 2008 3:44 pm

سبكتر بجد كلامك ضايقنى اوى
لكن انا عارفه انى مش هقدر افيدك كتير
لانى تقريبا بعانى من نفس مشكلتك
بجد يا جماعه احنا بنهان كتير
لكن زى ما كبرياء قال طالما هناخد عليه ثواب
رغما عنا سنصبر ومحدش يا بنتى بياكلها بالساهل
انا يا ستى مكبره دماغى على الاخر
واللى بيهينى مش بعتبره اصلا موجود فى حياتى
والماده اللى مش بعرف اذاكرها برمى الكتب الخاصه بيها
فى كرتونه ضيقه علشان احبسها يعنى
واخلى الكرتونه تحت السرير بتاعى
علشان اذلها
حتى لو جيتى عندى هتلاقى كل الكتب
فى الكرتونه دى لان ولا ماده بعرف اذاكرها طبعا
ههههههههههههههههههههههههههههههههههه
يا ريت تشيلى الافكار دى من دماغك
دلوقتى لحد ما الامتحانات تخلص
وبعدين هنقعد نبكى مع بعض بس بعد ما ننجح
اسفه طولت عليكى من غير مايكون الكلام ليه لازمه
سلام

عدد الرسائل : 502 تاريخ التسجيل : 05/04/2008

اولا ازيك يا سبكتـــــر عامله ايه مالك يا بنتي..

انت حتي اللي كنتي بتمسحي دمـوعي يوم الاربعاء من امتحـــان ...

انت طول عمرك قويه ويمكن انت اكتر واحده بتستحملي في الشله بتاعتنا ....

والــــــــــــــــــــــــــــــــلـــــــــــه انت عارفه اني كنت هكتب النهارده في فضفضه

بس انتي سبقتيني وكتبتي ان شاء يبقي كل اللي في قلبي...

انا يمكن كل احلامي راحت من بدايه الكليه بس يعني عادي انت عارفاني بحب اضحك

وما اشيللشي الهم للدنيا ......

فـــــــــــــــــــ يعني عادي وكـبري يعني مثلا انا النهارده المفروض نزاكر الماده بتاع السبت

والــــــــــــــله ما زاكرت لاني والله تعباااانه ومخنوووقه جامد وببكي

يا ريت هم الكليه بس حاجات عاجزه عن فعلهااو تحقيقها و ... و...

بس الحمد لله الواحد بيبقي قريب من ربنا بيستريح وانا متاكده انها اثـار ذنوب عملتها

برده الالتزاااام ليه تاثير علي الواحد الحمد لله مش مظهر بس..

يا رب اهديني وارحمني ....

عايزاكم بس تدعو لي انجح واراضي امي وابي افضل في المستوي اللي عارفينه عني

لاني يمكن بعدي بظروف ما حدش عارفها غير نفسي.......

بــــس برده لازم اضحك هي كده يا سبكتر فكيها وسيبها لله

حلو اني اضحك والدموع في عنيي صح !!!!!!!!

بحبكم في الله

السلام عليكم ورحمه الله وبركااته

موضوع: رد: مخنوقة شويه الخميس مايو 29, 2008 9:52 pm

حقيقي يا سبكتر كلامك لمسني بقوة

لان بنسبة 90% الحال واحد.. باستثناء التفوق

95% ف ثانوي

ودخلت الكلية

وبسم الله ما شاء الله..

المقبول كل ترم منورة.. وجمبها مادة ولا اتنين.. ما عدا ترم واحد

بس اديلي انجح السنة دي صافي.. المهم

مش عاوزة اقوللك ان الموضوع عندي مش ذل وبس.. لالالالالالالالا

تعالي اتفرجي على الاهانات والاستغلال والجشع وعدم الاخلاق من الدكاترة.. خصوصا

مع البنــــــــــــــــــــــــــــــــــــــــــــــــــــــــــــات

لكن انا اتعلمت اقابل ده كله بعدم التفكير فيه على اد ما اقدر

لان اللي بيعمل فيكي كدة.. لا يستحق غير انه يتنسي

ولا يبقى ف البال اكثر من دقيقة

ويا سبكتر يا حبيبتي

هو يعني هيكون حصلنا زي ما حصل لسيدنا النبي

بابي هو وامي وروحي.. اللهم صلي عليه

حققي اهدافك بعون الله وفضله

ومتفكريش ف المشاكل..

فكري ف اليوم اللي تلاقي نفسك بتحققي فيه احلامك.. وتعملي حاجة مفيدة لدينك وللناس

وافتكري اليوم اللي تقابلي فيه ربنا وهو راضي عنك.. لصبرك على تحمل مصاعب طلب العلم

واضحكي

دوري على اي حاجة مضحكة .. واضحكي باعلى صوتك

حتى لو مش من قلبك

لان لو مفيش جانب مشرق في حياتنا عشان ننظر ليه..

احنا بعون الله هنعمل جانب مشرق

لان الدنيا دار عمل.. واحنا خلفاء الله على الارض

وافتكري يا سبكتر.. ان السموات والارض اشفقن من حمل مسؤلية الارض وحملها الانسان

يسعد ايامك يا حبيبتي

وينور طريقك

وينصرك ربنا .. ويجبر بخاطرك جبار السموات والارض

عدد الرسائل : 684 تاريخ التسجيل : 08/04/2008

السلام عليكم ورحمة الله وبركاته

بسم الله ..والصلاة والسلام على رسول الله

اولا : الحمد لله الذى لا يحمد على مكروة سواه

على فكرة يا جماعة والله الكلام اللى سبكتر كاتباه ده كله صح
ومش مبالغ فيه خالص
دا حتى يمكن اقل كمان من اللى بيحصل
وسبحان الله انا كنت بردو داخلة اتكلم عن الموضوع ده
بس ما قدرتش...لان بصراحة تعبت من كتر الشكوى من الكليه والهم اللى فيها

وزى ما مور قالت بنضحك والدموع فى عنينا

والله الواحد بيعتبر الكليه دى ابتلاء ولازم يصبر عليه..يعنى هنعمل ايه يعنى

وكفايه ان فى ناس بتحس بينا برة الكليه هو طبعا حضراتكم
ويا ريت يا جماعة تدعولنا
لان ولا واحدة فينا ذاكرت المادة اللى هنمتحن فيها السبت
وادعولنا ننجح الترم ده

سلام عليكم

عدد الرسائل : 606 تاريخ التسجيل : 09/04/2008

بجد يا جماعة مش عارفة اشكركم ازاى انتم فعلا اثبتوا انكم اخواتى فعلا

أولا :يا كبرياء بجد كلامك عطانى حماس كتير وهحاول أبدأ من جديد ودا فعلا خلانى احترمك أوى

ثانيا: يا لؤلؤة يا حبيبتى تفكرى لما تحبسى الكتب فى كرتونه صغيرة أنك كدا بتستريحى بالعكس أنتى كدا بتحبسى نفسك سورى لو كلامى صعب بس عشان خاطرى حاول تانى واصبرى زى ما أنا هصبر

ثالثا : يا مور ياحبيبتى أنا لما كنت بمسح دموعك كأنى كنت بمسح دموعى والله لأنى بجد كنت بعيط من جوايه

ثالثا : ويا أميرة حبى والله حاللك زعلنى يعنى بعد كل دا ومقبو أو مادة ولا اتنين لالالالالالالالالالا لآزم تشيدى حيلك مهما كانت الظروف
بس والله الحمد لله يعنى الدكاترة بتوعتنا ناس والله محترمة خااااااااالص مش بيضيقوا البنات دول لو كانوا كدا ممكن مكنتش رحت الكلية اصلا بلا تعليم بلا هم

دورت على حاجة اضحك بيها ملقتشى غير رسالة دكتور عبد الرحمن اللى على الجروب بيقول فيها أنا الأجازة تبدأ11/6 وتنتهى 13/6 ويبدأالعمل بالتدريب الصيفى من يوم السبت الموافق 14/6 شوفتى احلى حاجة ضحكتنى والله

رابعا :ميرسى يا سمسم على مشاركتك اللى اكدت كلامى وربنا معانا كلنا

تعرفوا يا جماعة أنكم بجد ريحتونى كتير لأنى لو كنت اتكلمت فى الموضوع دا فى البيت كان ممكن يحصل انقلاب

دا أنا لمجرد أنى لمحت بس أن الأمتحان مكنشى كويس بابا قلى معلشى وماما بردوا

بس بابا من جواه كان زعلان أووووووووووى هو متعود أنه ينام شويه بعد العصر طبعا منمشى من الزعل ولا كمان بالليل دا لمجرد أنى قلت الأمتحان كان صعب شويه

مش عارفه اعمل ايه لو حس بابا أن مستوايه قل أو أنى أنقص عن الترم اللى فات دا بعد الشر ممكن

يروح فيها متتصوروش هو كان فرحان ازاى بيه لما طلعت الأولى أول مرة اشوفه بيدمع من الفرحه أنا

خايفة بجد احسن الفرحة دى تضيع أو أنى أكون فى سبب زعل بابا مش هقدر أسامح نفسى أبدا

بجد أدعولى الترم دا يعدى على خير من غير ماخسر حاجة وأنا أن شاء الله هبدأ من جديد وهخلى بالى من المذاكرة والأمتحانات وربنا يستر أحسن دا ممكن تحصل مصايب والله

ربنـــــــــــــــــــــــــــــــا يستر

ســــــــــــــــــــــلام يا أحسن أخوات