حبيتها بجد ... الله العالم بحبي لها...

عدد الرسائل : 25 تاريخ التسجيل : 28/04/2008

السلام عليكم ورحمة الله وبركاته

حكايتى بدأت من حوالى اربع او خمس شهور تقريباً

هى حكاية طويلة وحصل فيها حاجات كتير بس أنا حاحاول أختصرها

أتعرفت عليها من النت وبدأنا كلام على الميل

هى طيبة جدااا ومحترمة جداااا وحنينة خااااالص ومتدينة جدا ماشاء الله

كانت بتحكيلى مشاكلها وكنت بأحاول أساندها بالكلام بس

مشفتهاش لحد دلوقتي على فكرة

مش حأضحك عليكم شدنى ليها هدؤها الشديد وإحترامها الكبير واخلاقها العالية وتربيتها

حسيت إنى لقيت حاجة كنت بأدور عليها من زمان

حاجة نقصانى ... حاجة نفسى تكون جنبى ....حاجة لقيت فيها كل اللي بتمناه في الانسانة اللي نفسي اتزوجها ان شاء الله

على فكرة أنا من محافظة وهى من محافظة تانية

وهى من مستوى إجتماعى زي مستواي نسبيا ًوكمان هية في كلية اعلى من كليتي شوية

ولأنى عند مشاكل فى دراستى فقدامى وقت (مش كتير ان شاء الله ) عقبال ما أخلص وأكون نفسى

ولأنى خايف انها متكونش من نصيبي لقدر الله قررت إنى ما أصارحهاش بشعورى نحيتها

بس حصل اللى ما كنتش أتوقعه

إنها صارحتنى بإعجابها ليا

صدقونى فرحت فرح ... ودوقت طعم الفرحة بحق وحقيقى

بس بعد شوية حسيبتها ولقيتها ما ينفعش كلامنا مع بعض

فكلمتها وقلتلها على ظروفى وإنى ما أنفعكيش

وإنى قدامى مشوار طويل (انا كنت بقول دة وانا مضرر اووي وزعلان اوي لاني متتصوروش بحبها اد ايه والله بس انا والله كنت بعمل كدة عشانها هية)

فقالتلى هستناك بردو

وحاولت تبسطلى الموضوع

وهى اللى بقيت تشجعنى إنى أكمل فى العلاقة دى

المهم أنا صارحت والدى ووالدتى

والدى قالى إن شاء الله بس تعدي مرحلة من تعليمك

فقالى انا موافق بس اعمل حاجة في كليتك

ووالدتى قالتلى ربنا يرزقك بيها يبني

ونقلتلها رأى والدى ووالدتى بكل صراحة ومن غير تزييف

وقولتلها أنا عايز أكلم بباكى وأحكيله على ظروفى

ورفضت عشانى عرسان اتقدمولهاً

بس أنا بصراحة ما بأحبش أمشى فى حاجة غلط فكنت بأحاول

إنى أقابل بباها او اخوها الكبير او اي حد من العائلة بس هيى حكت لاختها الكبيرة

وكنت ساعات بأعاملها بقسوة شوية لأنى عايز الموضوع يمشى فى الطريق الصح

كانت بتزعل من رد فعلى فقلتلها طب أكلم أخوكى أو أى حد عندكم وقالتلى ما ينفعش

المهم إنى بحبها بجد ومستعد أعمل أى حاجة عشانها

على فكرة انا والله بشتغل يعني حوالي يجي 15 ساعة في اليوم والله عشان احقق هدفي لانها هية هدفي في الحياة اللي نفسي احققه (الزوجة الصالحة)

دا غير إنى على خلق الحمد لله وعمري ما كلمت بنت او خرجت معاها حتى في الكلية صحابي ساعات بيتخنقوا مني عشان الحكاية دي بس الحمد لله انا نفسي افضل نظيف كدة لحد ما اتزوجها ان شاء الله وحأحطها فى عينى من جوة والله

والحمد لله انا بحوش تمن الشبكة اهو يعني تقريبا سنة كدة ان شاء الله او اقل ان شاء الله

وأكون عديت حاجة من دراستي (عقدتي)

مش عارف هكون بأظلمها لو ربطها بيا

ولا دا حقى وحقها نختار بعض إننا نقف جنب بعض

ودا حرام ولا لاء ؟

أشيروا عليا أيها الاخوة

أنا بحبها بصدق وإخلاص ومستعد أعمل أى حاجة عشانها وأوفرلها الحياة الكريمة

أنا محتاج اللى يقف جنبى ويقولى الصح فين ؟ وادعولي بالنجاح ان شاء الله لانه يعتبر العقبة الوحيدة ان شاء الله

انا اسف اني طولت عليكم بس والله كنت لازم اتكلم لاني تعبااااااااان اووي وكنت محتاج اتكلم لاننا بقالنا فترة مبنتكلمش

عشان هية امتحانتها واهلها وانا عشان ظروف الشغل وهية واحشاااااااااااااني اووووووووووووووي

شكرا

صراحه اخى حائر
المشكله كبيره واى حد مننا معرض انه يقع فيها
لان كلنا عندنا مشاعر وبنحب
المهم لو حضرتك واثق ومتاكد انك هتقدر تتجوزها
ومفيش اى عقبات يبقى لازم تتفق معاها
وتختاروا طريقه مع بعض وتحددوا انسب طريقه
لمصارحه اهلها بالحقيقه
علشان الموضوع ميكونشى فيه حاجه حرام يعنى
وحاول تفهمها ان الموضوع معرض للرفض
علشان متكونشى صدمه ليها لو لاقدر الله ومكنتوش من نصيب بعض
واتمنى ان دا ميحصلشى خــــــــــــــــــــــــــــــــــــــالص
وحاول تذاكر كويس ومتخليش الموضوع يشغلك عن الجامعه
لان نجاحك حيوصلك ليها
وادعى ربنا يستجيب منك ان شاء الله
وانا وعد منى هدعى لكم
وربنا يوفقكم
وابقى قلنا الاخبار
سلام

عدد الرسائل : 606 تاريخ التسجيل : 09/04/2008

مش عارفة أقول ايه

بس حتى لو رحت وتقدمتلها اكيد اهلها هيرفضوا عارفه أنى كلامى صعب بس دا الواقع

أبسط الأمور هيقولوا أنكم عرفتوا بعض عن طريق النت

واللى جى من غلط عمره مايتصلح

وكمان هتسببلها فى مشاكل كتير أووووووووووووووى

معلشى استحمل وابعد تقريبا ده أحسن

لو كنت بتحبها بصحيح

بسم الله والصلاة والسلام على رسول الله

اخي الكريم حائر
طالما هي مستعدة تستناك.. يبقى اجتهد .. اجتهد لحد ما توصلها وتتقدملها
اجتهد فـ دراستك وشغلك
طالما هي تستاهل ده

وبالنسبة لبعدكوا عن بعض.. انت ممكن لو ليك اخت تكون هي اللي على اتصال بيها
وتبقى تطمن عليها عن طريقها
عشان ما يكونش في حاجة غلط

او لو مفيش تبقى تطمنها عليك برسالة وتقولها انك بتشتغل بايديك وسنانك عشانها

[b]وافتكر دايما انها بترفض ناس كتير عشانك..
وده بيحطها فـ موقف صعب ادام اهلها
وكونها مش عاوزة تخليك تكلم حد من اهلها.. يبقى هي ادرى واعلم منك باسلوب وظروف اهلها

[/b]

اخي العزيز حائر...
لما ييجي وقت احنا نلاقي فيه الشخص اللي نقدر نكمل معاه بقية حياتنا
ويكون هو كمان موافق ومستعد..
مستعد لكل حاجة..
انه يستحمل ويستنى ويصبر..
يبقى لازم نعمل كل حاجة
كل حاجة .. نقدر نعملها.. او حتى الحاجات اللي ممكن كنا فاكرين نفسنا منقدرش نعملها

ولازم تتمسك بيها..
مش دايما بنلاقي الشخص اللي نضحي علشانه.. ونختار نكمل كل لحظة باقية من عمرنا جمبه
لكن لما نلاقيه ونسيبه................!!!!!!!!

" ليس هناك اشقى ممن يشيع جنازة سعادته بيديه"

والاهم.. تدعي ربنا ليل نهار انه يجمعكوا على خير

ولا تنسى تقوى الله.. من يتق الله يجعل مخرجا

اسال الله اني اكون افدتك

على فكره يا سبكتر
هو كلامك طبعا فى محله واكيد الموضوع هيترفض من اهلها
لكن داابدا مش معناه يتنازلوا عن علاقتهم اللى يا عينى لسه مبداتشى
لكن ان شاء الله يا حائر حضرتك حدد معاها الميعاد المناسب
وبلالالالالالالالالالالالالالالالالالالاش
ابدا تقولهم انك عرفتها عن طريق النت
قول ان حضرتك كنت فى زياره للمحافظه
وصدفه شفتها فى الشارع واعجبت بيها وجيت تتقدم لها
وقبلها بيومين روح واسال عليها اسمها اى واهلها مين
علشان اكيد هيسالوك عرفت اسمها منين
اعتقد كدا مش هتقدر ترفض او تاجل الموضوع

يلالالالالالالالالالالالالالالالالا
بسرعه روح اعرضوا عليها

ومتنساش تعزمنا على الخطوبه
لاننا طبعا مش هنيجى لاننا من بلد تانيه
هستنى اخبار حلوه

سلام

يا ريت يا جماعه كل الاعضاء يردوا على
اخونا حائر ويقفوا معاه فى محنته
لحد ما ربنا يعديها على خير

وكمان

على شان نشوف احنا كلامنا صح ولا لاء

هننتظر الردود
سلام اخواتى

عدد الرسائل : 606 تاريخ التسجيل : 09/04/2008

فكرة حلوة يا لؤلؤة بس يا ريت تنفع

وفكر يا سى حائر تانى فى اى طريقة تعرف توصل لها بيها بس متقولشى انك عرفتها من النت

ومتخافشى فرق انك من كلية اقل من كليتها دا مش هيقصر طالما هى بتحبك وعايزاك

ودلوقتى كمان يعنى مبقاش مهم شبكة ولا كلام من دا اهم حاجة انك تحافظ عليها سورى لو كلامى

الأول كان صعب بس دا كان رد سريع أوى أنا فكرت ولقيت انك لآزم تدفعوا عن حبكم

عايزين نعرف أخبارك يا سى حائر بس يا ريت تكون أخبار زى الفل وربنا يسعدك يا رب ويسير لك

أمورك
ســـــــــــــــــــــــــلام

عدد الرسائل : 502 تاريخ التسجيل : 05/04/2008

السلام عليكم ورحمه الله وبركاته
اخي الحائر تحيه طيبه وبعد ....

ناسف علي التاخير في الرد معلشي كان عندي امتحان ومرضيتش اكون متسرعه في الرد

بس انا شفت الموضوع وحسيت انه صعب انه يحصل بس

برده خيلك متفائل ان الله علي كل شيء قدير

بس حضرتك برده الحمد لله علي خلق المفرووض تصلي استخاره تستخير فيها ربنا

يمكن الموضوع مفهوش خير لحضرتك وحاول تشيل شويه بس حته العاطفه

انا عارفه انه صعب بس لازم تستخير عشان ربنا ييسر لك الخير مش اللي علي هوانا وخلاص

حتي تنعم بعيشه هنيئه بعيده عن المشاكل والهموم

انا برده عايزه اقوول علي حته النت بالتاكيد يعني معرفتش حته اخلاقها اووي يعني

صعب لانه بيبقيمش واضح بالتاكيد يعني مش زي اللي بتشوفها علي الطبيعه وممكن ما تناسبش حضرتك والله اعلم بذلك....

فيا ريت تستخير قبل ما تكرر اي حاجه اي خطوه وربنا ييسر لك اللي فيه الخير..

اوصيك بتقوي الله ومراعاته في كل اموورك واجعل الله نصب عينيك ولا تعصيه...

السلام عليكم

عدد الرسائل : 102 تاريخ التسجيل : 14/04/2008

السلام عليكم ورحمة الله وبركاته

اخانا العزيز حائر ارشدك الله لما فيه الخير

معلشي احنا كان عندنا امتحانات ونعتذر عن التأخير ولما عرفت الموضوع قولت لازم ان شاء الله اشارك لانه موضوع في كل مكان هتلاقي زييوه بس من وجهة نظري كونك تحب امر طبيعي
وتتمنى انها تشاركك حياتك امر وارد بس .........
انا مع رأي مور لازم تصلي صلاة استخارة لان الانسان ميعرفشي الخير ليه فين
ولازم ان شاء الله تكمل دراستك اول خطوه على الطريق سواء قدرت لك ام لا يكفي انك هتفرح والديك ولازم تشتغل علشان تكون نفسك على وجه العموم
نتكلم عن موضوعنا
اولا بلاش تكلمها على النت لانه مش صحيح وانت حاسس بكده صحيح وكمان علشان ربنا يكرمك لما فيه الخير " ان الله لا يغير ما بقوم حتى يغيروا ما بانفسهم "علشان نقول يارب ده اول شيء نعمله لان الامر كله لطاعتك " الزوجه الصالحة "
اجلس مع نفسك وحدد انت عايز ايه ؟ عايز منها ايه؟ فكر ازاي تقول لاهلها ؟ خلي بالك عندك اختها ممكن تساعد لازم تحدد كل ده وتكلمها مرة واحدة علشان تظبط امورك بس
وان شاء الله خير
وبعدها مفيش كلام على النت بس في الاهم صاحب المعجزات " الدعاء "
صلي قيام الليل وادعي بس قول يا رب اذا كان لي فيها خيرا لانك متعرفشي الغيب
وان شاء الله من ترك شيئا لله عوضه الله خيرا منه
ومتزعلشي من كلامي يا اخ حائر وفقك الله لما فيه الخير
سلاااااااااااام
لحظه متنسناش في دعاء قيام الليل معلشي طماعه بقى اعمل ايه في كرم ربنا وكرمك
سلااااااااااااااااااااااااااااااااام
نسألكم الدعاء

عدد الرسائل : 25 تاريخ التسجيل : 28/04/2008

السلام عليكم
اولا انا احب اشكر جميع الاعضاء اللي دخلو وردوا على الموضوع وان شاء الله ربنا يجازيكم خير والله كلامكم أثر فية اوووووي لدرجة اني كنت ببكي لما كنت بقرأ كل رد على الموضوع دة والله يا اخواني انا تعبان جدا والله الواجد اللي يعلم انا عايش ازاي يعني انا كل ما افكر انها ممكن تروح مني لقدر الله بتعب اوووي ونفسيتي بتدمر والله اصل هية يا جماعة نادرا لما الاقي زيها تاني مع اني مشفتهاش يعني ماشاء الله اهم حاجة انها بتحبني الحمد لله وانا بحبها جدا الحمد لله وكمان على خلق وعلى درجة كبيرة اووووي من التدين ماشاء الله وكمان تفكيرها تقريبا زي تفكيري يعني تقريبا كدة فيها جميع مواصفات الانسانة اللي نفسي تبقى زوجتي وام اولادي ان شاء الله وانا والله الحمد لله بقالي فترة مكلمتهاش والله وهة واحشاني اوووووووي وفي اول كلامنا انا طلبت منها ان احنا مش هينفع نتكلم تاني خالص عشان حرام وكدة بس للاسف ضعفنا تاني ورجعنا نتكلم تاني بس والله انا مشفتهاش ولا حتى كلمتها في الموبايل الحمد لله يعني لحد ما الحمد لله محافظين على نفسنا وبعدين رجعت هية طلبت مني كدة اننا مش هينفع نتكلم والحمد لله انا كنت مستنيها منها وقعدنا فترة بردو منتكلمش والله العظيم متعرفوش حالتي كانت عاملة ازاي في خلال الفترة دي وبعدين ضعفنا تاني بردو للاسف الحمد لله يعني واهو ادينا الحمد لله مبنتكلمش بس والله انا هتجنن ونفسي اطمن عليها واعرف اخبارها بس يعني الشغل بيلهي الواحد عن حاجات كتير بس والله هية مبتغيبش عن بالي لحظة واحدة بس اهو الحمد لله الواحد عايش اهو ادعولنا بالثبات بالله عليكم والتوفيق بس والله كان في بعض الاعضاء كلامه تقيل شوية بس يعني انا عارف انهم ميقصدوش وانا بحبهم في الله هية بس المشكلة الوحيدة عندها هتقول لاهلها ازاي بس من ناحيتي الحمد لله تقريبا مستعد عني انا نفسي اتوصل لطريقة عشان توصل لاهلها علاقتنا دي وبشكل حلو وكمان منغضبش الله

واشكركم اشكركم اشكركم على مساندتي وتشجيعي

سلام عليكم

عدد الرسائل : 684 تاريخ التسجيل : 08/04/2008

السلام عليكم ورحمة الله وبركاته

بسم الله...والصلاة والسلام على رسول الله

اولا انا بعتذر لتاخرى فى الرد بس والله ظروف الامتحانات
المهم ان شاء الله مش هطول على حضرتك بس انا رايى ان حضرتك تتمسك بيها
بس متخليش ده ياثر على شغلك وعلى دراستك معلهش هو هيكون متعب شويه
بس ان شاء الله بعد كده اكيد هترتاح.
واهم حاجة انكم تقدروا تتحكموا فى عواطفكم علشان ما تتعبوش
وبعدين انا معرفش حضرتك عرفتها ازاى بس لو عن طريق منتدى ارجو متكنش ردودك عليها ملفته للانظار علشان محدش يتكلم ومفيش حد يضمن الظروف.واكيد طبعا حضرتك بتحبها وبتخاف عليها...اوك
والحمد لله انكم ما دخلتوش فى طريق الحرام عن طريق الكلام فى الموبايل او غيره واسال الله لكم الهدايه...المهم تتفقوا انكم ما تكلموش بعض وكفاية عليكم انكم تدعوا لبعض واكيد ان شاء الله ان القلوب عند بعضيها وكل واحد هيحس بالتانى
دلوقتى المفروض بقى انك تركز فى مذاكرتك وشغلك لان ده اللى هيوصلك ليها وتدعى ربنا انه يجمع بينكم طبعا اذا كان فيه خير
وان شاء الله ربنا يقدم اللى فيه الخير ....وانا هعمل اللى عليا وادعيلكم ويا رب اكون افتدك.
وبعتذر للاطالة
سلام عليكم