اليوم ولمده نصف ساعه ضاقت بى الارض بما رحبت

واسئله كتير فى بالى
ليه دايما كل ما افكر التزم بحاجه بشئ معين واحافظ على ان مش اعمله

الاقى انى وحيده وانى مفيش اى حد واقف معايا

وان الكل بيقول مخطئه رغم انهم عارفين انى صح

هل دا لان المؤمنين دايما قله فى المواقف الصعبه نتيجه اختبار من ربى

ولا علشان ربى يختبرنى هثبت ولا لاء
صراحه مش عارفه وياريت تقولولى

الموضوع

انا النهارده كنت فى امتحانى وزى كل امتحان الغش عندى مرفوض

حتى لو مش هنجح او هشيل الماده مستحيل اغش

المهم دخلنا اللجنه ودخل المراقبين وكانت واحده وكان زيها الاسلامى فى قمه الالتزام

قلت الحمد لله مش هيكون فى غش واللجنه هتكون هاديه وهجاوب بتركيز

المهم دا اللى كان واضح من كلامها لانها اول ما دخلت هى واستاذ تانى كان مراقب علينا معاها

لقيتها مضايقه وبتقول اياكم تدخل ورقه الاسئله واسمع منكم صوت والا هيكون مصيرك انتى والورقه
من الشباك

المهم فرحت وحمدت ربنا والبنات زعلوا جدا مع انهم كانوا مذاكرين ويمكن اكنر منى بكتير

المهم الورق اتاخر لمده ساعه الا ربع
والاستاذ خرج يشوف الورق هييجى ايمتى لاننا استعجلناه اوووى

دخلت الاستاذه اللى كانت هتراقب علينا ولقيتها بتقول يا بنات انا عارفه ان الامتحانات صعبه اوى

وعلشان كده اللى تحتاج سؤال تاخده من التانيه انتم اخوات وخلو اللجنه تعدى على خير وتنجحوا

سبحان الله الفارق كبير جدا ولكم ان تتوقعوا منذ خمس دقائق وامام الاستاذ تقول اياكم والغش

ولما يخرج تقول جاوبوا مع بعض بس من غير صوت عالى

وكمان قالت اللى مش هتدى لاختها اجابه تطلبها منها (اسفه على اللفظ)

لكنها قالت والله هبصق فى وجهها وهعلم على ورقتها بالاحمر انها بتغش

لكم ان تتوقعوا مدى صدمتى واد اى حسيت بضيا ع الامانه والدنيا اسودت قدامى تماما

ياربى ماذا افعل البنات هيطلبوا منى الاجابه وانا مش هديهم لو حتى هشد معاها وتطردنى من اللجنه

وبعدين قلت لو حصل وغششت هنادى للدكتوره المسؤله عن اللجان كلها واقول لها على الموضوع

لكن هنا افتكرت ان الدكتوره نصرانيه ولو اخبرتها هيبقى شكل المسلمين وحش اوى

وطبعا طوال هذا الوقت داخل اللجنه البنات شغالين تريقه يقولو

ها يا ست الشيخه الامتحان صعب ومسموح بالغش هتغشى ولا حرام

وتعالت اصوات الضحك قلتلهم لو حصل اى والله لا هديكم ولا هاخد منكم

طبعا مش عارفه اعمل اى
لكن الحمد لله لجات للدعاء لحد ما الورق وصل والحمد لله حدث ما لم يخيب ظنى عن توقعه

الاستاذ كان يكره الغش والمدرسه بعد ما اخدنا الورق بدقيقه زى ما تقولوا واخده منوم او منامتشى من سنه

وفضلت نايمه لاخر الامتحان
والاستاذ مخلاش نفس فى اللجنه حتى لو حد هيسال سؤال مش بيوافق

والبنات كلهم اخدوا الورق ومحدش منهم عرف يحل اى حاجه وطبعا مفيش غش

واختكم فى نص ساعه تقريبا انهيت الاجابه والحمد لله من غير اخطاء
الحمد لله خاصت اول واحده وطلعت قبلهم كلهم ومن غير اخطاء

اما البنات فخرجوا بعدى بنصف ساعه
ومفيش حد جاوب حتى اللى ينجحه
والله مش فرحانه فيهم لكن كنت فخوره بنفسى
اذ تحولت حياتى من الاسود الحالك الى الابيض الناصع

الحمد لله ان كدا عمرى ما هغير المبدا دا ابدا
لان ربنا استجاب لدعائى
قولولى رايكم فى اللى حصل دا
وباركولى باستجابه دعائ
وادعوا لاصدقائى بالهدايه
والسلام عليكم