الهـــــمــــــــة على قـــدر المـــــــهـــــــمة في رمضـان

السلام عليكم ورحمة الله وبركاتة

أزيكم يا شباب......عاملين أية

طبعا الصحة عال العال و بمب

(وبمب دى بمناسبة رمضان)

طبعا الناس كانوا شغالين فى شنط رمضان(ومازالوا)
ماشاء الله

بهمة عالية

وجهد عالى


(طبعا بخص الناس الى اشتغلوا بس)

(الناس التانية لأ)...

(وأنا عن نفسى من الناس التانية)


أخبار الهمم العالية أية

أخبار الشغل أية

ربنا يعينكم ويثبتكم ويوفقكم

ويرزقكم الاخلاص



طيب

احنا دلوقتى دخلنا رمضان


فهل انت ناوى تعتق رقبتك من النار هذا العام؟؟

لأ بجد.....جاوب بصراحة

النبى قال :أن لله عتقاء فى رمضان وذلك كل ليلة


فأنت حاسس أنك تستحق العتق...


جاوب....أمامك ثوانى تقلب كدة فى الذاكرة
وتشوف انت تستحق العتق ولا لأ




أةةةةةةةةةةةةة

طبعا الذاكرة جابتلك بلاوى

ماكنتش واخد بالك منها



ويبقى السوءال قائم

أنت ناوى السنة دى... رمضان دة

الرقبة دى....تعتق من النار؟؟؟

ولا عادى أهو....

رمضان ورا رمضان


اهى ماشية....لا ياجماعة

رمضان دا ...(شهر الفرملة)

رمضان دة ....شهر المحاسبة


فوق كدة....وصحصح....

وقول بعلو صوتك....أنا فى رمضان...يعنى لو ماضمنتش الجنة رمضان دة

هضمنها امتى....


والله يا جماعة....دا مش كلام عابر وخلاص

الواحد فعلا مش عارف يا ترى هيعيش لرمضان الي جاى ولا لأ

ياترى هتعيش لبكرة ولا لأ

دا مش مجرد كلام....دا حقيقة...

الناس دلوقتى بتموت....كل يوم مئات الشباب بتموت

شباب فى ريعان شبابها....بكامل صحتهم


وفجأة.............فين فلان...


الله يرحمة


أحنا هنروح بعيد لية

أحد الاخوة...أمبارح...والله أمبارح بيحكيلى

بيقول :كان ليا واحد صاحبى ساكن فى العمارة الى قدامى

مااااااااااات النهاردة بيقولها وهو زعلان جدا

فبقولة أن لله وان الية راجعون.....مات أزاى؟؟

فقالى:الواد لسة صغير عندة 19 سنة

راكب فى عربية مع واحد صاحبة وماشيين تحت الكبرى

وبيضحكوا وبيهزروا.......وفجأةةةةةةةة






وقعت من فوق الكبرى عليهم

مقطورة.....


طبعا العربية أتفشفشت

والشباب.............

ياترى بقا يا شباب

الشباب دول كانوا متوقعين انهم يموتوا دلوقتى

كانوا مستعدين انهم يموتوا هذة الموتة البشعة

هما كانوا عارفين انهم هيموتوا طبعا

بس كانوا متوقعين انهم يموتوا ازى؟؟؟


مقطورة؟؟؟؟؟؟؟؟؟؟؟؟؟؟؟؟؟؟


ربنا يرحمهم

فهل احنا مستعدين نقابل ربنا دلوقتى؟؟؟

يعنى لو توفاك الله دلوقتى

حاسس انك هتقابل ربنا بقلبا سليم


فتش عن قلبك

هتلاقى بلاووووووووووى

البلاوى دى بقا لازم تتخلص منها

وفرصتنا الوحيدة فى التحلص منها

رمضان





يبقى السوءال قائم

هل أنت موقن بأنك ممكن فى لحظة واحدة تموت....

وممكن تكون الحظة دى...

دلووقتى.....



طب مستنى اية؟؟؟؟؟؟"


صلح نفسك بقا

كل واحد منا

عندوا ذنوب لا يعلمها ألا هو

طب هتعمل فيها أية؟؟؟؟

فرصتك رمضان

رمضان دة (طبيب القلوب)

رمضان(شهر المغفرة)

رمضان(شهر التوبة)

رمضان(شهر الهمم العالية)

عاوزين نعلى الهمم كدة

ونشتغل بنشاط ولكن بشرط



تجديد النية


طب نتكلم بصراحة شوية


فى ناس أتعودوا على شغل الأعمال الخيرية

وأصبح العمل فيها (عادة)

وليس (عبادة)

فالمطلوب عند كل عمل

تجديد النية

أبن القيم لية كلمة جميلة أوى فى الموضوع دة:

بيقول:

يجب على كل مسلم عندما يقوم بعمل لله

أن يجدد النية ثلاث مرات

مرة قبل البدء فى العمل
ومرة فى وسط العمل
والمرة الأخيرة عند الأنتهاء من عملة


طب مستنى اية؟؟؟؟؟؟


أخى فى الله


أختى فى الله


وسارعوااااااااااا الى مغفرة من ربكم

وجنة عرضها السموات والأرض أعدت للمتقين


وأخدين بالكم الجنة أعدت وتجهزت وتزينت

لميييييين؟؟؟؟؟

للمتقين



طب فاكرين أية الصيام

(كتب عليكم الصيام كما كتب على الذين من قبلكم لعلكم تتقون)



يبقى الصيام يجيبلك أية؟؟؟


الجنة

يا شباب مفيش وقت

لازم وحتما رمضان دة تخرج منة واحد تانى

.....مستنى اية....دى فرصتنا كلنا فى الشهر دة




أحنا بنتكلم على الجنة يا جماعة
الناس الى شغالة فى شغل رمضان لحد دلوقتى

جددوا النية يا شباب

لبوا نداء النبى

(ومن فطر فية صائما كان له مثل أجرة غير انة لا ينقص من أجر الصائم شىء)

أتحرك كدة.....عاوزين نخدم دينا بجد

لأن بأختصار لو أحنا ما تحركناش وخدمنا دينا مين هيخدموا

(وأن تتولوا .................)


ربنا هيغيرنا....هيجيب ناس تانى تنصر الدين دة

ها يا شباب فين الهمة العالية

فين همة الصحابة


حط هدف أنك لن تخرج من رمضان هذا العام ألا بعد أن تكون تغيرت


لازم تغير شىء


كثر من أعمال الخير

(وما يبقاش الشغل روتين)

(لالا أحنا ما بنعملش حاجة ألا تنفيذا لكلام النبى )


يا جماعة أحنا عاوزين الجنننننننننننننننننة

والله أنا نفسى أتكلم عن الجنة

الواحد لسة سامع حبة حاجات عن الجنة

يااااااااااااااااااااة
بس أنا مين عشان اتكلم عن الجنة


يا جماعة عاوزين نخلى الدنيا دى خزنة

نعبى فيها كل الى عاوزين نلاقية فى الأخرة

ملابس للفقراء

يكسيك الله يوم ان تكون الناس عراة



تشترك فى تكييف مسجد

تلاقى قبرك مكيف

تنور لمبة فى الشارع

قبرك ينور


حط كل الى انت عاوزة وكن على يقين انك ستجدها هناك

يا ترى مصدقين كلام النبى ولا لأ؟؟؟


تصدق

ولو بتمرة

بلحة واحدة

أيوة بلحة واحدة تخيل حديث النبى

(صلى الله علية وسلم)


من تصدق بعدل تمرة من كسب طيب والله لا يقبل الا الطيب

فأن الله يربيها لصاحبها حتى تكون مثل جبل أحد


ها....كام جبل النهاردة هتخزنهم

خمس تمرات.....خمس جبال


هااااااااااااا فين الهمة العالية

يا جماعة احنا ما بنعملش أعمال خيري عشان حد قالنا أعملو ا كذا وكذا


لا لا أحنا ناس عاوزين الجنة


الجنة هتيجى ازاى


هتيجى الشهر دة....بس انت اتحرك

خلاص بقا مافيش نوم

شغل...شغل.....

دار أيتام ....أنزل

شنط رمضان.....روح وحط وشيل

أفطار فقراء.......أجرى معاهم تكون اول واحد يساعد

(مش هتاكل طبعا.....تخدم بس)


ها يا شباب أتفقنا

على اية؟؟؟؟؟


لازم اتغير رمضان هذا العام؟؟

رمضان دة مش هيمر الا لما اتغير

كل واحد بقا يشو ف كام حاجة كدة

يقعد مع نفسة

ويحاسب نفسة

ويشوف البلاوى

ويقرر التغيييييييير

انتوا عارفين لو واحد قعد

وحط امامة ورقة وقلم

وقعد يكتب ذنوبة

يا ربنـــــــــــــــا المعيــــــــــــــن

هيطلع ألاف الذنوب

لازم الذنوب دى تتخلص منها الشهر دة

والله المستعان

طبعا انا بخص بالكلام دة الناس الى عاوزين الجنة

الناس التانية بقا
الى مايفرقش معاهم (محقرات الزنوب)

نقولهم ........ ولا بلاش


اللهم أرزقنا الجنة

اللهم ارزقنا الجنة

معلش يا جماعة على (الأطالة)

أنا عارف أنى رغاى شوية


بس أعمل اية.........أنا نفسى أدخل الجنة

نفسى كلنا ربنا يرزقنا الجنة


اللهم اعتق رقباتنا جميعا من النار

اللهم اجعلنا نريك من انفسنا خيرا

اللهم استخدمنا ولا تستبدلنا

الجنة.....الجنة...الجنة يا شباب

لازم تكون الجنة هى هدفنا فى هذا الشهر العظيم

اللهم ارزقنا الجنة