أنا تعبان والله

عدد الرسائل : 25 تاريخ التسجيل : 28/04/2008

يا جماعة الاول انا بشكر صاحب الفكرة الحلوة دي وربنا يجازيه خير ان شاء الله

انا عندي مشكلة خنقاني اووووووي وتعباني كمان يارب الاقي الحل عندكم

الحمد لله انا شاب متدين الحمد لله وشاب من اللي بيتقال عليه ملتزم وهوة مافيهوش ريحة الالتزام خالص بس الحمد لله بصلي في المسجد والفجر كمان وبصوم الاتنين والخميس الحمد لله ومتطوع في جمعية خيرية كمان والحمد لله يعني وبحضر دروس علم والحمد لله لحد كدة حلو صح بس بقى لما اختلي بنفسي كدة بعمل حاجات على ام النت دة يعني لو قلتهلكم هتفوا علية وهتحتقروني اووووووووووووووي يعني معظم الذنوب دي بتبقى على النت والموضوع كمان اكبر من مشاهدة المواقع الاباحية يعني دي حاجة بسيطة اوي المواقع دي بالنسبة للبلاوي اللي برتكبها على النت وغير النت وكمان بحس كدة اني بحب افتخر باعمالي ادام الناس وكمان لما اكون قاعد لوحدي ابص على دي وعلى دي لكن لما يكون معايا حد مبصش خالص زي مايكون مبخفش من ربنا وبخاف من الناس يا جماعة انا بدعي الناس لمقاومة الشيطان واقع انا فريسته انا تعبان والله يا جماعة ولما اقعد مع نفسي كدة وافكر ببكي اوووي وبحتقر نفسي اوووووي وبيبقى هاين علية اموت نفسي الوحشة دي بس اعمل ايه يا جماعة نفسي والله اتخلص من الحاجات الوحشة دي انا تعبان ومخنوق اوي ............

معلش صدعتكم بس اسأل الله اني اجد الحل عندكم يعني وقولولي اعمل ايه بس

شكرا وسلام

الحمد لله
هسالك سؤال ....مين فينا مبيغلطش ؟؟؟!!
كلنا بنغلط بس المهم اننا نحس بغلطنا ونتوب اول باول ومنقلش بقي ربنا مش هيسامحنى _استغفر الله_ لا اطمن ربنا هيسامحك عشان ربنا كريم اوووووى والله
وصدقنى ربنا رحمته واسعة اووووووووووووووى اكتر من ذنوبك مهما كانت
وكمان فيه حاجة
متقلقش ان شاء الله خير بجد
عشان انت بتبكى لما تفتكر الذنب ودى الحمد لله حاجة حلوة يعنى ربنا لسه عايزك وبيحبك وعشان كدة خلاك تبكى وتحزن على الذنب اللى عملته
اما اللى على قلوبهم اقفال والران ملا قلوبهم حتى اسودت ف دول مش فارقة معاهم عادى لانهم اتعودو ع المعصية
لكن الحمد لله على نعمة البكاء من خشية الله ونعمة الشعور بالذنب
وقوم توب يللا وثق ان ربنا غفووووور رحيييييييم وبيقلك وبيقلنا كلنا
"قل يا عبادى الذين اسرفوا على انفسهم لا تقنطوا من رحمة الله ان الله يغفر الذنوب جميعا انه هو الغفور الرحيم"
تخيل انت قدام ربنا دلوقتى وبيقلك كدة....
هتقله ايه بقي....
تبت يااااااااااااااااارب
اوك؟
يللا
وخلى عندك ثقة انك مش هترجع تانى لذنب وانت اقوى من كدةbelieve me
وحتى اذا رجعت للذنب او فكرت فيه توووووب بسرعة عشان تبقى مع ربنا علطول
وربنا يقويك ويعينك يااااارب ويثبتك ويثبتنا كلنا يااااارب
جزاك الله خيرا
واسفة ع الاطالة بس معلش اصل محدش فينا سليم كلنا بنغلط بس لازم ايييييه؟؟؟؟
نتوب صح
وشكرا
وياريت نسمع اخبار حلوة ان شاء الله عن استقرار علاقتك بربنا ياااارب
ومتنسناش ف الدعاء كل اللى ع المنتدى
وخاصة اللى جمعنا كلنا عليه بفضل الله وهو "اخونا احمد"
السلام عليكم

عدد الرسائل : 684 تاريخ التسجيل : 08/04/2008

السلام عليكم ورحمة الله وبركاته

اولا:انا احب اشكر صاحب الفكرة وكمان اللي نفذها ..ربنا يجزيكم كل خير

اما بالنسبة ل(حائر)والرسالة المؤثرة اللى بعتها
فانا معنديش رد بعد اختى(paradise(
ربنا يبارك فيها
بس كنت عايزة اقول انه مجرد ان حضرتك قدرت تعترف بالحقيقة دي امام الناس
فان شاء الله ده بداية كويسة ..وان شاء الله كل اللى على المنتدى هيدعولك..
وربنا يهديك ويرزقك قلبا خاشعا وعينا دامعة من خشيته ..

بسم الله الرحمان الرحيم
قل يا عبادى اللذين اسرفوا على انفسهم لاتقنطوا من رحمة الله
صدق الله العلى العظيم

يا صاحب الهم ان الهم منفرج ابشر بخير فان الفارج الله

الله محدث بعد العسر ميسرة لاتجزعن فان الميسر الله

اللهى
ان كانت ذنوبى عظيمة
فان عفوك يا اللهى اعظم
ادعوك ربى كما امرت تضرعا
فان رددت يدى فمن ذا يرحم

يا من له فضل على كبير هل لى اليك اذا اعتذرت قبيل

اللهى لست للفردوس اهلا ولااقوى على نار الجحيم

اللهى عبدك العاصى اتاك مقرا بالذنوب وقد دعاك

فهب لى توبة واغفر ذنوبى انك غافر الذنب العظيم

يااخى لاتقلق فالنفوس لا تنضج الا بالذنب العظيم

اشكو اليك
اشكو اليك ذنوبا انت تعلمها
مالى على حملها صبر ولا جلد
وقد مددت يدى بالذل معترفا
يا خير من مدت اليه يد
يقول رسول الله صلى الله عليه وسلم
من استغفر الله ثلاث مرات بعد كل صلاة
فقال
استغفر الله العظيم اللذى لا اله الا هو الحى القيوم واتوب اليه
غفرت ذنوبة وان كان فر من الزحف
صدق رسول الله صلى الله عليه وسلم

الخطوات العملية** للتوبة الصادقة** .., اللهم آغفر لنا ذنوبــنا ..‏

السلام عليكم ورحمة الله وبركاته ..وبعد

الخطوات العملية للتوبة الصادقة

ما أحسب أحدًا ممن في قلبه ذرة من إيمان أنه يكره التوبة، حتى لو بدا الفساد من أفعاله، والشر في

وجهه، فنداء التوبة يغلب على كل مسلم، يناديه أن يرجع إلى فطرته الأولى قبل أن يغيرها بيده، أو بحكم

البيئة والعشرة، أو التعليم وغيرها من عوامل التأثير في الإنسان، ويظل الإنسان يصارع، فإن صدق

النية، وفقه الله تعالى لتوبة نصوح، وإن عاند وتجبر، تركه الله لنفسه هذه المرة، وإن فتح له أبواب

التوب مرات عديدة.

ولكن كيف يتوب الإنسان؟

فكثير ممن يود التوبة، يريد أن يأخذ أحد بيديه للتوبة الصادقة، ولكنه لا يعرف

أين السبيل؟

اقترح لكِ عددًا من الخطوات العملية مثل:

1 - اجلسي مع نفسك، قد يكون ذلك في حجرة، على أن تكوني وحدك، دون أن يكون معك أحد، أغلقي

عليك باب حجرتك.

2 - اختاري المكان المناسب لك، واجعلي معك قلمًا وورقًا، وسطر بيديك ذنوبك، قسميها كبائر وصغائر، وأحصيها جيدًا.

فالإحصاء جيد لمعرفة كم الذنوب التي يقترفها الإنسان.

3- انشغيل أولاً بالكبائر، عدها جيدًا، وانظري أخطرها وأعظمها أثرًا.

ابدئي بأكبر الكبائر، فالأصغر فالأصغر.

4 - انشغلي بذنب واحد، وضعي خطة للتخلص منه.

5- انظري ما الذي يدفعك إلى فعل الذنب، فقد يكون الفراغ، أو شهوة النفس، أو أصدقاء السوء، أو

غير ذلك، فمعرفة الدافع للفعل تساعد كثيرًا على التخلص منه، أو استثماره بشكل أفضل.

6 - تعقلي ما الذي تستفيدينه من وقوعك في الذنب؟ فكل ما حرم الله فيه ضرر للإنسان.

7 - ضعي جدولاً زمنيًّا، واجعلي التغيير مرحليًّا، لا تتعجلي فربما كان في الإسراع إنهاء لمشروع

التوبة، لا تكوني كمن يجري بسرعة، ويظل يجري، فإذا به يقع على الأرض، فلا ظهرًا أبقى، ولا أرضًا

قطع.

8 - قسم التخلص من الذنوب على جدول زمني، انظري كم يومًا يمكن لك أن تتخلصي فيه من الذنب،

ربما يكون في شهر أو أكثر، وربما يكون في أقل.

9 - قسمي الجدول الزمني إلى أسابيع وأيام.

10 - اجعلي الجدول الزمني في حقيبتك، أو حافظتك، وتابعي القدر اليومي للتخلص من الذنب.

11 - لا تنامي حتى تنظر في جدولك، وضعي علامة على تحقق القدر اليومي، فإن لم تكوني حققتيها،

فخذي هذا القدر مع القدر اليومي لليوم التالي.

12 - أعطي نفسك درجات في تحقق القدر اليومي، وتابعي بشدة.

13- ادعي الله كل يوم أن يتوب عليك.

14- ابتعدي عن كل ما يعوقك عن التوبة.

15- كافئي نفسك عن كل تقدم في التوبة إلى الله.

16 - استشعري نداء الله لك بالتوبة: "وتوبوا إلى الله جميعًا أيها المؤمنون لعلكم تفلحون".

17 - استشعري فرحة الله تعالى بتوبتك، ألا يستحق خالقك أن تفرحيه بالعودة إليه؟

18 - ابدئي في النظر إلى الذنب الثاني، وطبقي جدول العلاج فيه أيضًا.

مثال تطبيقي:

مشاهدة المواقع الإباحية.

1 - اجلسي مع نفسك، واسأليها بكل صراحة: ما الذي يجعلك تشاهدين المواقع الإباحية؟

هل لأنك تجدين متعة في مشاهدة العري؟

هل تشاهدين من باب الفضول؟

هل لأنها تثير شهوتك؟

2 - انظري: كم تقضي من الوقت؟ وما المردود العملي من هذا؟ لن تجدي مردودًا سوى

(ضياع دين/ ضياع وقت/ ضياع واجبات/ غضب الله/ البعد عن مواطن الخير/ موات النفس/... إلخ).

3 - اسألي نفسك: هل مشاهدة التعري فعلاً متعة؟

ألا يوجد طريقة أخرى لإثارة شهوتك بالحلال؟

ما تأثير هذا الفعل على نفسك وقلبك؟

هل فعلاً تريدين أن تتخلص من هذا الفعل؟

4 - امسكي القلم والورق، واكتبي:

ما الذي يدفعك لهذا العمل؟

الأصدقاء/ الفراغ/ البقاء وحدك/... إلخ.

5- انظري كيف تعالجين كل واحدة.

أ - إن كان البقاء وحدك يدفعك في هذا، فاعلم أن الله تعالى يراك.

ب - لا تجلسي وحدك، نادِ أخاك، أو صديقك، أو أختك، أو زوجتك، أو أمك، أو أي أحد ممن تثق فيه.

ج - لا تفتحي الإنترنت إلا في وجود أحد من الصالحين.

وإذا ظهرت نتيجة طيبة، فعوِّدي نفسك على أن تفتحه في وقت لا يكون فيه أحد، بعد استشعار أن الله تعالى معك.

6 - حاول أن تستمعي للقرآن وأنت جالسة على جهاز الكمبيوتر.

7 - أنزلي برنامج الذاكر على جهازك.

9- تذكري أنك قد تموتين وأنت على حالتك هذه، وأنك تبعثين عند الله على رؤوس الخلائق، وأنت تشاهدين العري.

10- اخرجي إلى الحدائق والأزهار، وشاهدي الخلق، انظري إلى السماء كثيرًا، واستمتعي بالنظر إلى

السماء والأرض والأشجار والأزهار.

11 - شاهد من الفضائيات ما هو نافع لك، وأشغل نفسك بالبديل المباح عن الحرام.

12- الإنترنت ليس كل شيء في حياتنا، حاول أن تشغلي نفسك بأنشطة حية بعيدًا عن الإنترنت والكمبيوتر.

13- إن كنت تشكين من شيء دفعك إلى هذا الفعل، فاسعي إلى علاجه بشكل فعّال وحقيقي.

14 - استعني بالله، فما خاب من استعان به ودعاه.

15- كافئي نفسك بنزهة، أو أكلة، أو شيء تحبينه نفسك، ما دام مباحًا.

16 - اشكري الله تعالى أن وفقك، فمن شكر الله، زاده الله من نعمه، وليست هناك نعمة أفضل من التزام أوامر الله تعالى.

جزاكى الله خيرا يالؤلؤة على النصائح الجميلة دى
اعتقد انها مفيدة اوى لى ولنا ولحائر ان شاء الله
ومستنين رده باذن الله يقولنا عمل ايه

الى حائر يا ريت متاخرشى الرد
وتقول لنا عملت اية
نتمنى لك ولنا الغفران

عدد الرسائل : 25 تاريخ التسجيل : 28/04/2008

والله انا مش عارف اشكركم ازاي متتصوروش يعني كلامكم اثر فية اوي بجد جزاكم ربي خير الجزاء

المهم
الحمد لله انا شوية بقيت حلو يعني المزاكرة بقى والامتحانات يعني بتشغل الواحد وكمان مبقتش اقعد نت كتير يعني الحمد لله لانه سبب الانتكاسة اللي انا فيها بس الحمد لله الواحد بيحكم نفسه شوية وبيحاول يمشي على النصائح اللي بعتهالي وربنا يصلح الحال والله الواحد بيزعله بس يعني انه كان حلو وقريب من ربنا وفجاة كدة يلاقي نفسه بينحدر بس الحمد لله والمشكلة كمان ان الواحد بيستهون بالحاجات دي يعني بيقول عادي والمعاصي اللي بيرتكبها يلا خير الحمد لله

شكرا شكرا شكرا

جزاكم ربي خير الجزاء

لؤلؤة الجنة كتب:: بسم الله الرحمان الرحيم
قل يا عبادى اللذين اسرفوا على انفسهم لاتقنطوا من رحمة الله
صدق الله العلى العظيم
يا صاحب الهم ان الهم منفرج ابشر بخير فان الفارج الله
الله محدث بعد العسر ميسرة لاتجزعن فان الميسر الله
اللهى
ان كانت ذنوبى عظيمة
فان عفوك يا اللهى اعظم
ادعوك ربى كما امرت تضرعا
فان رددت يدى فمن ذا يرحم
يا من له فضل على كبير هل لى اليك اذا اعتذرت قبيل
اللهى لست للفردوس اهلا ولااقوى على نار الجحيم
اللهى عبدك العاصى اتاك مقرا بالذنوب وقد دعاك
فهب لى توبة واغفر ذنوبى انك غافر الذنب العظيم
يااخى لاتقلق فالنفوس لا تنضج الا بالذنب العظيم
اشكو اليك
اشكو اليك ذنوبا انت تعلمها
مالى على حملها صبر ولا جلد
وقد مددت يدى بالذل معترفا
يا خير من مدت اليه يد
يقول رسول الله صلى الله عليه وسلم
من استغفر الله ثلاث مرات بعد كل صلاة
فقال
استغفر الله العظيم اللذى لا اله الا هو الحى القيوم واتوب اليه
غفرت ذنوبة وان كان فر من الزحف
صدق رسول الله صلى الله عليه وسلم

الحمد لله

عدد الرسائل : 319 تاريخ التسجيل : 12/05/2008

أخى الغالى / حائر

لن ابدأ معك من باب التوبه فباب التوبه مفتوح وجميعنا يعلم ذلك ويعلم مداخله ايضا

بل سأتحدث بحريه وكأنها مناقشه جاده

هو يمكن مشكلتك دى للاسف بيقع فيها كتير من الشباب

وهى مشكه الالتزام امام الناس وعدم الالتزام بل والجهر بالمعاصى بينك وبين نفسك

اخى الحبيب نصيحتى لك هىء شىء واحد وهى تحدى الشيطان

نعم تحدى الشيطان فى افعاله واقلبها انت الى افعال الخير

يعنى مثلا بالبلدى كده

حضرتك قاعد على النت جاه ابليس وطبعا ربنا مش هاديه يقلك متيلا بقه نروق شويه اديها شويه مواقع اباحيه وطبعا النفس ضعيفه والشيطان مقنع فى وساوسه
فيقوم يجىء دورك انتا بقه تقله لا
لا ولا كمان
ومش لا وبس
تقوم مشغل قران او حديث اوتكلم اخ صالح يعينك على طاعه الله

صدقنى الطريقه دى مجربه واكيده وهى طريقه تحدى الشيطان ونصحت بيها ناس كتير والحمد لله جابت مفعول

وصدقنى حتلاقى كل حاجه اتغيرت فى حياتك

وتصديقا لهذا التغير اسمع كلام حبيبك المصطفى صلى الله عليه وسلم حيث يقول

من ترك شىء لله عوضه الله خيرا منه

وفى روايه

عوضه الله حلاوه يجد طعمها فى قلبه

اخى الفاضل اتمنى انى اكون افدتك

واسئل الله لى ولك الهدايه

اخوك

كبرياء رجل

عدد الرسائل : 26 تاريخ التسجيل : 28/05/2008

يأخي الفاضل عن نفسك بالدعاء لله فهو الغفور الرحيمواختر لك صحبه تعينك علي ذلك